Ээжин дун

Киитн булгин уснднь
Киилгән уһаһад суулав
Киилгән уһаһад суув чигн
Килмжтә ээжм сангдна

Һашун худгин уснаснь
Һаран уһаһад суулав
Һаран уһаһад суухнь
Һарһсн ээжм сангдна

Буру хәләсн эргднь
Бурһсн модн нәәхлнә
Бурһсн модн нәәхлхнь
Буйнта ээжм сангдна

Ээжин уйсн сатин киилг
Эләд угала шинәрн
Эн һазрин усн өвсн
Хүврәд угала көкрнә

Нарн һарх үзгәс
Намчта торһн кииснә
Нарн болсн ээжм
Насна туршар сангдна

@темы: песня песен